आलसी मन सब मालामाल अउ, महिनती मन कंगाल हे।
हमर देश के अइसन हाल हे, हमर...........
देश मा रोजदिन बाढ़त हे, बेकारी अउ मंहगाई।
नेता मन सब ऐश करत हे, जनता के होगे करलाई।।
भुखमरी अकाल के गोद समाये, का छत्तीसगढ़ का बंगाल हे।
हमर देश के अइसन हाल हे, हमर..........
सीमा मा रोजे हमला होवत हे, बढ़गे आतंक आज हे।
देश के कोनो ला चिंता नइहे, आतंकी मन करत अब राज हे।
रामायण गीता के पढ़इया नइ हे, मनखे के बदलत चाल हे।
हमर देश के अइसन हाल हे, हमर देश के.......
जींस कार्गो के फैशन छाये, धोती अउ बंगाली नँदावत हे।
करमा ददरिया के पुछइया नइ हे, डिस्को संगीत हा छावत हे।।
टूरा टूरी मा चिनहारी नइ हे, सबो के एकेच बाल हे।
हमर देश के अइसन हाल हे, हमर देश के अइसन हाल हे।।
रचना:- गुमान प्रसाद साहू ,समोदा (महानदी)
थाना- आरंग, जिला- रायपुर छत्तीसगढ
मोबा.- 9977213968,9977313968
दिनांक- 21-05-2010
Gpsahu2.blogspot.com
No comments:
Post a Comment