"हे रंग डारत हे श्याम"

हे रंग डारत हे श्याम, राधा ऊपर रंग डारत हे न।
हरियर पिवरा लाल गुलाबी, लाल गुलाबी श्याम लाल गुलाबी ।
हरयर पिवरा लाल गुलाबी, भर भर के पिचका मारत हे श्याम ।
राधा ऊपर रंग डारत हे न।

ब्रज के मोहना किशन कन्हैया।
गोपीयन के संग रास रचइया ।।
गोगोपीयन के संग रास रचइया, सबके मन ल मोही डारत हे श्याम।
राधा ऊपर रंग डारत हे न।
हे रंग डारत हे श्याम, राधा ऊपर रंग डारत हे न।।1।।

रंग गुलाल श्याम संग म लाये।
गोपी गुवाला श्याम सबला रंगाये। गोपी गुवाला श्याम सबला रंगाये, सबो के अंग ल रंग डारत हे श्याम।
राधा ऊपर रंग डारत हे न।
हे रंग डारत हे श्याम, राधा ऊपर रंग डारत हे न।।2।।

वृंदावन म श्याम खेले होरी।
ललिता बिसाखा संग राधिका गोरी।
ललिता बिसाखा संग राधिका गोरी, एक दूसर ल रंग डारत हे श्याम।
राधा ऊपर रंग डारत हे न।
हे रंग डारत हे श्याम, राधा ऊपर रंग डारत हे न।।3।।

रचना :- गुमान प्रसाद साहू
ग्राम-समोदा(महानदी)
मो. :- 9977313968
जिला-रायपुर छ.