हरियर ना भावे मोला, पिंयर ना भावे।
पिंयर ना भावे श्याम, पिंयर ना भावे.....2
नीला गुलाबी हा ना आँख भर सकावे।
ना आँख भर सकावे श्याम ना आँख भर सकावे...2
भावे ना लाल रंग श्याम रे....होरी खेलन मै आई
अपन रंग मा रंगादे मोला श्याम रे .......
ललिता बिसाखा ला तैंहर रंगाये।
तैंहर रंगाये श्याम, तैंहर रंगाये....2
मारे रंग पिचका भर,तन भर रंगाये।
तन भर रंगाये श्याम तन भर रंगाये ....2
रंगे तै सबो ग्वाल बाल रे....होरी खेलन मै आई
अपन रंग मा रंगादे मोला श्याम रे .....
गोपी गुवाला संग खेले तै होरी।
खेले तैं होरी श्याम, खेले तैं होरी....2
संगे खेलत हावय राधिका गोरी।
राधिका गोरी, श्याम राधिका गोरी...2
महूँ ला रंगादे तैंहर श्याम रे ...होरी खेलन मै आई
अपन रंग मा रंगादेमोला श्याम रे ......
-गुमान प्रसाद साहू ,समोदा (महानदी)
9977213968,9977313968
No comments:
Post a Comment