(26)आज बर्थडे हे ओ किसन कन्हैया के ।

मटकी फोड़ जे माखन चोराये, गोपीयो के संग रास रचाये।
ललना ओ यशोदा मईया के,
आज बर्थडे हे ओ किशन कन्हैया। के।।

भादो के महिना पाँख अंधयारी।
कड़कट बिजरी अउ रात कारी-कारी।
जनम धरीस जे अधरतिया, कोरा मा देवकी मईया के।
आज बर्थडे हे ओ किशन कन्हैया के।।

जनम लेके धरती मा जे, मिटाइस भुइयाँ ले पाप ला।
वध कर कंस ममा के, छोराइस अपन माँ बाप ला।।
गेंद खोजे जमुना तट जाके, कालिया नाग नथैइया के।
आज बर्थडे हे ओ किशन कन्हैया के।।

भरे सभा मा जे द्रौपदी के, बचाइस हे लाज ला।
मान तोड़ जे इन्द्र देव के, बनाइस भगत के काज ला।।
कुरूक्षेत्र मा जे अर्जुन ला, उपदेश दिस गीता मईया के।
आज बर्थडे हे ओ किशन कन्हैया के ।।

रचनाकार:- गुमान प्रसाद साहू
ग्राम:- समोदा (महानदी)
9977213968,9977313968
थाना:- आरंग, रायपुर,छत्तीसगढ़ 
Gpsahu2.blogspot.com