" तै हावस मयावाली ओ "

" तै हावस मयावाली ओ "

कउनो तोला दूरगा कहिथे, कहिथे कउनो काली ओ।
जगत के तै जननी दाई, हावस मयावाली ओ।

बाढ़िस हावय भूइंयाँ म दाई, जब जब अतियाचारी ओ।
आये तै हर रक्षा करे बर, ले के अवतारी ओ।
पापी ल तै मार गिराये..... मईया तै बिकराली ओ।
जगत के तै जननी दाई, हावस मयावाली ओ।।1।।

कभू तै हर शीतला बने, कभू बने महामाई ओ।
कभू तै हर अम्बे ओ दाई, कभू बने तै बमलाई ओ।
तीनों लोक दाई तूही म समाये.... माता शेरावाली ओ।
जगत के तै जननी दाई, हावस मयावाली ओ।।2।।

आये जे हर तोर शरण म,
लेवत तोर नाम ओ।
छिन भर म बन जाथे ओ दाई,
ओकर सबे काम ओ।
बिगड़ी ल तै सबके बनाये.... दर पे आये जे सवाली ओ।
जगत के तै जननी दाई, हावस मयावाली ओ।।3।।

रचना :- गुमान प्रसाद साहू
ग्राम-समोदा ( महानदी )
मो. :- 9977313968
थाना-आरंग रायपुर छ.ग

Gpsahu2.blogspot.com