" हे मईया शारदे "
हे मईया शारदे.... हम ला तै हर तारदे 2।
आये हावन तोर शरण मा..2 मया अउ दूलार दे।
कहिथे तोला विनाधारी, हंसा के चढ़इया ओ।
हंसा के चढ़इया ओ दाई, हंसा के चढ़इया ओ ।
सुर के माँ देवी तोला, ग्यान के देवइया ओ।
ग्यान के देवइया ओ दाई, ग्यान के देवइया ओ।
हम ला ग्यान देके मईया, हमर.. जिनगी ला संवार दे।
हे मईया शारदे.... हम ला तै हर तारदे।।1।।
एक हाथ म धरे तै वीना, दूजे करताल ओ।
दूजे करताल ओ दाई, दूजे करताल ओ।
तीजे मा तै दिये आसिस ला,
चौथे कण्ठिमाल ओ।
चौथे कण्ठिमाल ओ दाई,चौथे कण्ठिमाल ओ।
हमरो जिनगी के दोंगा ला,भव ले तै उबार दे।
हे मईया शारदे.... हम ला तै हर तारदे।।2।।
आये हावन हाथ पसारे, हमन तोर दूआरी ओ।
हमन तोर दुआरी ओ दाई, हमन तोर दुआरी ओ।
पूजा के माँ दीया जलाके, आरती तोर उतारी ओ।
आरती तोर उतारी ओ दाई, आरती तोर उतारी ओ।
बिनती हमर हे दाई..., हमर जिनगी ला उद्धार दे।
हे मईया शारदे...., हम ला तै तारदे।।3।।
रचनाकार :- गुमान प्रसाद साहू
ग्राम:- समोदा ( महानदी )
मो. :- 9977313968
थाना-आरंग, रायपुर छ.ग.
Gpsahu2.blogspot.com
